கீரை பச்சடி

ஏதாவது ஒரு கீரை - 1 கட்டு
வெங்காயம் - 1 சிறியது
தயிர் - 150 கிராம்
உப்பு - தேவையான அளவு
எண்ணெய் 2 ஸ்பூன்

தாளிக்க:

கடுகு - 1/2 டீஸ்பூன்
உளுத்தம்பருப்பு - 1/2 டீஸ்பூன்
கடலைப்பருப்பு - 1/2 டேபில்ஸ்பூன்
காய்ந்த மிளகாய் -2

செய்முறை :

* வெங்காயம், கீரையை சுத்தம் செய்து பொடியாக நறுக்கிக் கொள்ளவும்.

* கடாயில் எண்ணெய் விட்டு தாளிக்க உள்ள பொருட்களைப் போட்டு தாளித்து பின் வெங்காயத்தை போட்டு வதக்கவும்.

* வெங்காயம் வதங்கியதும் கீரை, தேவையான அளவு உப்பு சேர்த்து மூடி வேகவைக்கவும்.தண்ணீர் ஊற்ற கூடாது.

* கீரை நன்கு வெந்ததும் ஆறவைத்து தயிரில் கலக்கி பறிமாறவும்.

குறிப்பு....

கீரை விடும் நீர் வற்றும் வரை கீரையை வதக்க வேண்டும். விருப்பப்பட்டால் தயிரில் தேங்காய், சீரகம், பச்சை மிளகாய் அரைத்து சேர்க்கலாம்.