எளிமையா ஒரு மட்டன் ஃபிரை வேணும்னா.. இந்த மட்டன் பிரட்டல் செஞ்சு பாருங்க. சுவையும் மணமும் சும்மா தூக்கலா இருக்கும். ரொம்ப சிக்கனமானதும் கூட. எல்லா நாட்களிலும் செய்யலாம். எல்லா சாப்பாட்டோடும் ஒத்துப்போகும் சூப்பரான சைட் டிஷ் இது!
தேவையான பொருட்கள்:
மட்டன் - 1/2 கிலோ
சிறிய வெங்காயம் - 15
இஞ்சி, பூண்டு விழுது - 1 டேபிள் ஸ்பூன்
உப்பு - தேவைக்கு
தேங்காய் - 1/4 மூடி
மிளகு தூள் - சிறிதளவு
தாளிக்க:
எண்ணெய் - 2 டேபிள் ஸ்பூன்
பட்ட மிளகாய் - 5
கறிவேப்பிலை - கொஞ்சம்
செய்முறை:
* வெங்காயத்தை இரண்டிரண்டாக நறுக்கவும்.
* தேங்காயை மெல்லிய சிறு சிறு துண்டுகளாக நறுக்கவும்.
* கொடுத்துள்ள பொருட்கள் (மிளகை தவிர) எல்லாவற்றையும் சேர்த்து குக்கரில் வேகவிடவும்.
* கடைசியில் மிளகு தூள் சேர்த்து சுருள வதக்கி இறக்கவும்.
* எண்ணைய் நல்லா சூடானதும் கறிவேப்பிலை, பட்ட மிளகாய் பொரித்து, கறி மீது ஊற்றி நன்கு பிரட்டவும்.
No comments:
Post a Comment